有關索取賠償要求，昨日終於收到Arts Center回覆。

香港藝術中心由第一...

有關索取賠償要求，昨日終於收到Arts Center回覆。

香港藝術中心由第一封通知信表示基於條款22(c)去取消場地租借，如今變成“You have acted in breach of Clause 22(c)”，直接指控我地「已觸犯」此條款，拒絕賠償。

前後矛盾並且毫無悔意，仲要反過來指控你，成件事會唔會太荒誕。

對方由始至終都無法提供任何實質理據，去指出及證明我地如何觸犯該條款，總之我話你係就係。如今香港係咪唔再需要講道理，合約簽咗都可以隨時取消，完全唔須要付上法律責任？

Arts Center於今次事件開咗一個非常壞嘅先例，等於一個機構單憑一個人嘅名字，就可以判你有罪無罪。本來我都體諒場地受壓或有難言之隱，期望大家可以私下解決，但既然對方選擇採取一個如此橫蠻嘅態度，我地往後唯有循法律途徑，為整個團隊討回公道。

如此不文明之對待，恕我無法接受。

面對不合理打壓，我們盡能力抵抗。

---